Хрватскиот ракометен првак Загреб се надева дека Вардар в недела ќе го победи Кристијанштад и со тоа ќе му овозможи да се пласира во осминафиналето од Лигата на шампионите.
Загрепчани вчеравечер го совладаа Цеље со 23:21 во последниот нивни дуел од групната фаза, но оваа нивна победа не им беше доволна за обезбедување пласман во нок-аут фазата. Сепак хрватскиот првак има уште една шанса, а тоа е Вардар да го победи Кристијанштад кој му е директен конкурент на Загреб.
Вардар веќе го обезбеди првото место во групата, па дуелот против шведскиот претставник освен формално значење за „црвено-црните“ ќе биде пресуден за изгледот на долниот дел на табелата.
Табела: Вардар 18 бода (13 натпревари), Пик Сегед 17 (14), Рајн Некар 17 (14), Киелце 16 (13), Мешков Брест 14 (13), Загреб 9 (14), Цеље 9 (14) и Кристијанштад 8 (13).