Еден од најдобрите кошаркари на кочанскиот клуб Дино Баскет, Петар Ивановски, е меѓу жртвите кои ги загубија животите во страшната несреќа која се случи во дискотеката „Пулс“ во Кочани.
Веста за 20-годишниот Ивановски ја потврдија од неговиот клуб.
„Со голема тага ја примивме веста каде што нашиот соиграч Петар Ивановски е еден од жртвите во синоќешната трагедија. Тој беше голем човек со големо срце, беше голем борец и беше МВП на турнир М-14. Тагата е преголема, сочуство до семејството“, напишаа од Дино баскет.
Ивановски е трет спортист меѓу загинатите во кочанската несреќа по фудбалерот на Шкупи, Андреј Лазаров и штипскиот голман Дамјан Танески.
