Фудбалерите на Ал Наср синоќа го победија тимот на Ал Шабаб со 3:2 на гостувањето во 21. коло од саудиската Премиер лига, а повеќе од самата игра се зборуваше за потегот што португалскиот ас Кристијано Роналдо го направи во самиот финиш на мечот.
Домашните навивачи во текот на целиот натпревар го провоцираа Роналдо со извици „Меси, Меси“, а на крајот Португалецот беше тој што позадоволен си замина дома.
Кристијано постигна еден од трите гола, додека на социјалните мрежи се појави видео на кое се гледа како Роналдо вулгарно гестикулира кон трибините токму поради тие извици.
Messi has ruined Ronaldo’s mental health😭😭pic.twitter.com/0fGxKNX5jJ
— J☔ (@Shadygize) February 25, 2024
Португалецот со овој потег ги предизвика домашните навивачи да бидат погласни.
Инаку, Роналдо со гол од пенал во 21. минута го доведе Ал-Наср во водство, а на идентичен начин израмни Караско во осмата минута од судиското надополнување во првото полувреме.
Ал-Наср е втор на табелата во Премиер лигата со четири бода помалку од Ал-Хилал, кој има натпревар помалку, додека Ал Шабаб е на 11-та позиција.