Со поразот на домашен терен од Вест Хем (0-1), Арсенал практично се збогуваше од борбата за титулата шампион во англиската Премиер лига, а една од ретките позитивни работи за домашниот тим во играта се случи на самиот крај од мечот.
Имено, се играше деветтата минута од судиското надополнување кога голманот на „топчиите“, Давид Раја приреди вистинска егзибиција.
David Raya, the only positive from the Arsenal game today.
pic.twitter.com/RcJr2v5wDM— EmanDaGoon™ (@EmanDaGoon) February 22, 2025
Арсенал изведе корнер, а гостинската одбрана ја расчисти опасноста пред сопствениот гол и тргна во контра.
Таму на сцена стапува Раја, кој прво спринтува до топката пред играчите на „чеканите“, а потоа со финта се ослободува од противникот и тргнува во нов напад на својот тим.
За голман, завидно ниво на играчка вештина.
Секако, фановите на социјалните мрежи се шегуваат со потегот на Раја:
„Да беше нормален, немаше да го ограничат на 16 метри“
„Единствената позитивна работа во играта на Арсенал“
„Овој може да биде меѓу спринтерите кога сака“
„Со оваа брзина добро би дошол во нападот, барем добро би нападнал“.
Арсенал е втор во Премиер лигата со 53 бодови, а Вест Хем е 16-ти со 30 бодови.