Холандскиот репрезентативец и член на бундеслигашот Хамбургер Рафаел Ван дер Варт ќе го пропушти светското првенство во Бразил поради повреда на десната нога.
Информацијата ја соопшти холандската федерација, па така селекторот Луис Ван Гал нема да може да смета на еден од најискусните. Ван дер Варт (31.година) за репрезентацијата на „лалињата“ дебитирал во 2001 година и има одиграно 109 натпревари и постигнато 25 голови.
Ван дер Варт беше дел од Светските првенства (2006 и 2010 година) на второто Холандија загуби во финалето од Шпанија.
Холандија на Мундијалот во Бразил се наоѓа во групата Б заедно со Шпанија, Чиле и Австралија.