Новак Ѓоковиќ се пласираше во финалето на US Open, со победата над Давид Ферер со 3:1 во сетови (2:6, 6:1, 6:4, 6:2).
Ова е 3-то по ред финале за Србинот во Њујорк, а 9-то Грен слем во кариерата.
Дуелот кој во саботата беше прекинат при водство на Ферер во првиот сет со 5:2, поради торнадото во Њујорк, се продолжи денеска.
Иако го изгуби првиот сет, во продолжението Новак покажа поради што е најголем фаворит на овој Грен слем.
Ова беше 14-от меѓусебен дуел меѓу Ѓоковиќ и Ферер и 9-та победа на српскиот тенисер. Новак имаше 34 директни поени и 31 неизнудена грешка, а Шпанецот 24 винери и 39 грешки.