Европската фудбалска федерација (УЕФА) им изрече парични казни на италијанскиот клуб Интер и шкотскиот Селтик поради неспортско однесување на фудбалерите и навивачи за време на нивниот меѓусебен дуел минатиот месец во Лигата на Европа.
Селтик ќе треба да плати 13 илјади евра, од кои осум се за недисциплина на неговите фудбалери и добиените шест жолти картони, а пет се поради користење пиротехнички средства на неговите навивачи.
Факели на „Џузепе Меаца“ палеа и навивачите на Интер со што го „олеснија“ својот миленик за пет илјади евра.
Интер со вкупен резултат 4:3 ја доби 1/16финалната пресметка.