Европската фудбалска федерација (УЕФА) денеска го претстави логото за шампионатот што во 2020 година ќе се игра во 13 земји, а завршницата ќе биде на „Вембли“ во Лондон.
Логото покажува колоритни силуети на навивачи како стојат од двете страни на победничкиот трофеј врз зелен мост што ја претставува врската меѓу земјите домаќини.
Европското првенство 2020 ќе биде историско, бидејќи за прв пат ќе се одржува во 13 градови во различни земји и со тоа би се обележал 60-годишниот јубилејот на евро-шампионатите.
Натпреварите од ЕУРО 2020 ќе се играат во следниве земји: Азербејџан, Белгија, Данска, Германија, Унгарија, Република Ирска, Италија, Холандија, Романија, Русија, Шкотска, Шпанија и Англија.