Драстична казна им изрече УЕФА на Манчестер Сити и ПСЖ поради кршење на правилата за финансиски фер плеј.
Секој клуб мора да плати казна од по 60 милиони евра од кои 40 милиони се условна казна доколку ги исполнат условите на УЕФА во врска со правилото за финансиски фер плеј.
Двата клуба за наредната сезона ќе можат да регистрираат само по 21 играч за Лигата на шампионите (неместо по 25) и нема да можат да потрошат повеќе од 60 милиони евра во преодниот рок нити во наредните две сезони да издвојат повеќе пари за плати од актуелниот износ.
УЕФА казни уште седум клубови-Зенит (12м), Рубин (3м), Анжи (2м) и Галатасарај, Трабзон, Бурса и Левски со по 200 000 евра.