Релито Дакар и оваа го зема својот данок во крв, откако во трагичен инцидент на границата меѓу Перу и Чиле загинаа двајца, а седуммина се повредени. Трагедијата се случила синоќа при судир на такси и сервисно возило за поддршка на Дакар 2013.
Судирот се случил по петтата етапа, која се возеше од Аракипе во Перу до Арике во Чиле.
Организаторите на трката го потврдија бројот на жртвите и повредените, а соопштија дека во инцидентот учествувало и трето возило, исто така такси возило, кое во обидот да го избегне судирот пред себе, неколкупати се превртело. Двајцата загинати се возачот и патник од првото такси, додека повредените се префрлени во болницата во градот Такна во Перу.
Авион од тимот Антонов на перуанската полиција бил веднаш алармиран и искористен за транспорт на повредените за Лима, во координација на медицинскиот тим на релито. Перуанските власти започнаа истрага за да ги откријат причините за трагичниот инцидент – се вели во соопштението на Дакар 2013.