Менаџерот на Манчестер Јунајтед, Ерик тен Хаг, денеска ќе разговара со Кристијано Роналдо во базата на клубот во Карингтон. Според медиумите на Островот, Холанѓанецот по средбата ќе одлучи дали ќе го врати Португалецот во првиот тим.
Петкратниот освојувач на „Златната топка“ беше исфрлен од сениорскиот тим и казнет со двонеделна плата откако предвреме го напушти теренот на натпреварот против Тотенхем, на кој одби да влезе како замена во финишот.
Во денешниот разговор, Тен Хег сака да види дека Роналдо покажува вистинско каење за да му дозволи да се врати на тимските тренинзи.
Иако менаџерот за медиумите изјави дека Роналдо ќе остане до крајот на сезоната и дека ќе продолжи да се потпира на него, Холанѓанецот веќе им најавил на клупските шефови дека е подготвен да го пушти Португалецот да си замине уште во јануари доколку некој клуб покаже интерес за него.
Големи се шансите Чесзи да биде следната станица на CR7. Новиот сопственик на лондончани, Тод Боели се уште не се откажал од оваа идеја. Покрај тоа, Американецот е во блиски односи со Жорге Мендеш, кој е агент на Роналдо. Тоа исто така може значително да го олесни процесот.