Тренерот на Ајакс, Ерик тен Хаг изјави дека Реал Мадрид е голем предизвик за холандскиот тим.
„Овој ривал е огромен предизвик за нас. Целосно смефокусирани на утрешниот натпревар. Ова важи за сите наши фудбалери“, изјави Тен Хаг.
Тој се наврати и кон неубедливите настапи на Ајакс во шампионатот во Холандија, каде доживеаја порази од Хераклес и Феенорд.
„Никој не сакаше тоа да се случи. Не играме постојано на високо ниво и тоа е проблем. Не игравме добро против Хераклес и Феенорд. Сега треба да бидеме доста посилни. Треба да го докажеме тоа и против Реал Мадрид“, додаде тренерот на Ајакс.