Репрезентативецот на Уругвај и играч на англиски Ливерпул Луис Суарез најави дека ќе биде подготвен за дуелот со Англија на СП во Бразил. Минатиот четврток на Суарез му беше извршена операција ма менискусот на левото колено и се шпекулираше дека ќе го пропушти Мундијалот.
Медиумите од Британија пренесуваат дека Суарез со соиграчите од Ливерпул разменил смс пораки и им рекол дека ќе биде подготвен за дуелот против Англија на 19.јуни во Сао Паоло.
– Тој е важен дел од составот на Уругвај. Му пратив порака да видам дали е се во ред и му послакав среќа. Тој е голем борец и ако не игра на првиот дуел ќе се појави на вториот против Англија, рече репрезентативецот на Англија Џордан Хендерсон.