Младиот 16-годишен охриѓанец Стојан Велкоски и Бугаринот Стојан Стојанов (18) се победници на турнирите што во чест на првиот претседател на Шаховскиот сојуз на Македонија, академик, поет, писател и кодификатор на македонскиот современ литературен јазик Блаже Конески се одржа во Скопје.
На Б турнирот кој се играше до фиде рејтинг 1.800, Велкоски го освои првото место со 6,5 поени од седум партии, додека на А турнирот кој се играше до 2200 рејтинг, Стојанов имаше максимален ефект од седум победи.
Во услови на пандемија на двата турнири настапија 108 играчи на древната игра.
-Се покажува дека ваквиот тип на шаховски турнири се привлечни како за помладите, така и за играчите во поодминати години и претставуваат убав спој на талентот и искуството, соопшти Шаховската федерација на Македонија.