Сакам да објавам крај на репрезентативната кариера рече Столе Стоилов на прес конференцијата по натпреварот на македонската ракометна репрезентација и победата над Чешка која донесе пласман на Светското првнество.
„Ми беше чест што овие 15 години бев дел од репрезентацијата. Играв со големи играчи како Лазаров кој за мене секогаш ќе биде „капитенот“ како и Миркуловски кој го остави здравјето за репрезентацијата. Направиме големи работи, но јас морам веќе да се простам, моето тело веќе не може да издржи. Да не бев сигурен дека ќе можат без мене немаше да се повлекувам, но сигурен сум дека можат. Време е да се ослободат од мене и помладите да добијат повеќе простор“ – рече легендарниот пикер на македонската репрезентација.
„Жал ми е што се повлекуваат Стоилов и Миркуловски, Столе би е потребен, но ќе ја почитувам неговата одлука“ – рече Лазаров со солзи во очите.