Словенецот Бенјамин Шешко е нов играч на Манчестер Јунајтед, соопшти трофејниот англиски клуб.
22-годишниот фудбалер потпиша договор до 2030 година, а трансферот е вреден 76,5 милиони евра и дополнителни 8,5 во бонуси.
– Историјата на Манчестер Јунајтед е посебна, но мене ме возбудува иднината. Кога зборувавме за проектот беше јасно дека имаат за цел овој тим да се надоградува и да расте и повторно да бидеме во борба за пехари. Сакам да го достигнам својот максимум и да ги исполнам сите свои желби – изјави Шешко за официјалниот сајт на клубот.
Словенецот претходната сезона за бундеслигашот Лајпциг на 45 натпревари постигна 21 гол.
Јунајтед ова лето потроши 150 милиони евра за Матеус Куња и Брајан Мбуено.