Хуан Мата ја заврши својата фудбалската кариера

Од:

Фудбалерот од средниот ред, Шпанецот Хуан Мата, денес објави дека ја завршува својата играчка кариера.

„Фудбалот никогаш нема да исчезне од мојот живот. Постојат толку многу начини да продолжам да ја сакам оваа игра, толку многу начини да ја користам како алатка за развој. Можеби престанувам да играм професионално, но никогаш нема да престанам да бидам фудбалер“, изјави 38-годишниот Мата, пренесува Би-Би-Си (BBC).

Мата, одигра 41 натпревар за Шпанија, беше дел од националниот тим што го освои Светското првенство во 2010 година, како и Европското првенство две години подоцна.

Овој поранешен играч од младинскиот погон на Реал Мадрид премина во Валенсија во 2007 година, а потоа, во август 2011 година, потпиша за Челси, со кој ги освои Лигата на шампионите, Лига Европа и ФА Купот.

Во јануари 2014 година, Мата му се приклучи на Манчестер Јунајтед и му помогна на клубот да ги освои Лига Европа, ФА Купот и Лига Купот, пред да си замине од клубот во 2022 година.

Потоа, тој настапуваше за турскиот Галатасарај и јапонскиот Висел Кобе, а подоцна играше и за австралиските клубови Вестерн Сиднеј Вондерерс и Мелбурн Виктори.

Би можело да ве интересира

Јунајтед скапо ќе плати за смената на Керик – „ѓаволите“ ќе мора да одвојат 12,4 милиони евра

А1он

Голманот Овоно размислува да ја заврши кариерата: „Никој не излегува на терен со намера некого да убие“

А1он

Првпат по 38 години Манчестер Јунајтед е без победа на 9 меча во сите натпреварувања

А1он

Конте е подготвен да го преземе Манчестер Јунајтед

А1он

Бруно Фернандеш е прогласен за најдобар играч во Премиер лигата

Шахтјор Доњецк ќе ги игра натпреварите од ЛШ на стадионот на Челси

А1он