Фудбалерите на Манчестер Сити ремизираа со екипата на Њукасл со 1:1, во шестото коло од англиската Премиер лига.
„Страчките“ на тој начин ја продолжија серијата без пораз на домашен терен, која датира од јануари и претходниот меч со Граѓаните кога гостите победија со 3:2.
Оттогаш, Њукасл е без пораз, вклучувајќи го и овој, на вкупно 14 првенствени натпревари во сите натпреварувања.
Во 35. минута, Џек Грилиш го проигра Јошко Гвардиола, кој одлично се снајде во шеснаесетникот и ја испрати топката во мрежата.
Но, свои прилики имаше и Њукасл кои на крајот ги крунисаа со гол во 57. минута, но не од игра, туку од белата точка.
Тогаш Едерсон задоцни на стартот на ривалот, а Ентони Гордон успеа да реализира пенал и да ја испрати топката на едната, а Едерсон на другата страна.
Граѓаните барем засега остануваат на првото место со 14 бодови, но постои и одредена веројатност да им го отстапат местото на Ливерпул или Арсенал, кои имаат по два бода помалку, а допрва треба да ги одиграат натпреварите.
Од друга страна, Њукасл остана на петтото место, со 11 освоени бодови.