Шампионката на УС Опен од 2006 година, Русинката Марија Шарапова доби „вајлд карта“ од организаторите за настап на овогодишниот турнир.
Шарапова има освоено вкупно пет грен слем титули, а во Њујорк има биланс од 32 победи и девет порази на 10-те досегашни настапи.
На последниот настап во 2014 година таа беше елиминирана од Каролине Возниацки во четвртото коло.
Руската тенисерка сега се наоѓа на 148. место на ВТА листата, а при своето деби на УС Опен беше рангирана на 54. место. Шарапова во својата кариера 21 недела била тенисерка број 1 на светот.
Таа на последниот турнир во Синсинати го откажа настапот поради повреда на раката.
На квалификациите на УС Опен што ќе почнат на 21 август се очекува да настапи и нашата тенисерка Лина Ѓорческа, која изминатиов период немаше настапи поради повреда.
Главниот турнир на УС Опен почнува на 28 август.