Четиринаесетгодишниот шахист Тони Лазов од Неготино по шести пат ја освои титулата првак на Македонија во својата категорија, информираат денес од шаховскиот клуб “Неготино” од Неготино.
– Во петокот на 28 јуни завршија првенствата на Македонија за млади шахисти до 14, 16 и 18 години. Учествуваа 30 шахисти и шахистки од повеќе градови на државата, објаснуват од клубот.
Како што соопштуваат, Лазов се стекна со право за учество на Европското првенство во шах за млади кое во септември ќе се одржи во Црна Гора.