Шахистите на Алкалоид го oсвоија сребрениот медал на најпрестижното шаховско клупско натпреварување во Европа. Тие минатата година во Нов Сад ја освоија шампионската титула.
Годинашниот настап во Анталија, тимот на Алкалоид го заврши како второ рангиран зад шампионот Глобус од Русија.
Во последното коло шахистите на Алкалоид забележаа победа со 4-1 против романската екипа Баја Мара, додека екипата на Глобус беше подобра со 4,5-1,5 од Легаси Капитал.
Русите со 12 бода го освоија првото место и европската шампионска титула, додека Алкалоид на крајот собра 11 бода, колку што имаше и трето пласираниот тим на Одлар Јурду од Азаербејџан, кој поради послаб број на индивидуални поени од македонската екипа мораше да се задоволи со третото место.
Вториот македонски претставник на турнирот, екипата на Гамбит Асеко беше поразн во последното коло со 2-4 од израелската Бер Шева, па Гамбит со седум бода на крајот заврши на делба на 17.место од вкупно 36 екипи колку што учествуваа на Купот во Анталија.