21-годишниот Австралиец Џек Милер во приватниот тим Marc VDS е сензационален победник на трката за големата награда на Холандија, возена на патеката Асен.
Ова е прва победа по 10 години на приватен тим по онаа на Тони Елиас во 2006 година во Португалија.
„Не знам како се чувствувам, преполн сум со емоции, оваа е неверојатно“, рече низ солзи радосници Милер по победата.
Втор низ целта мина Марк Маркез, а трет Скот Рединг.
Трката беше прекината во 15-от круг поради силен дожд, по рестарторт Роси имаше отворен пат до победата но падна и со тоа сега разликата помеѓу него и Маркез во генералниот пласман е 42 бода.
Испаѓањето на Роси го остави Марк Маркез на првото место на гридот. Зад него беше Џек Милер кој возеше сè побрзо. Еден круг подоцна, Маркез се опушти и Милер го презема водството. Австрлиецот го одржа тоа водство, зголемувајќи ја предноста помеѓу него и возачот на Репсол Хонда сè до крајот за сензационална победа воедно и прва во неговата кариера како МотоГП возач.