Романскиот фудбалски репрезентативец Габриел Торже изнесе тешки обвинувања кон селекторот Кристф Даум.
Германецот применувал ригорозни методи за време на двегодишното извршување на функцијата селектор на Романија.
– Никој не смееше ништо да му каже во поглед на тактиката, игарата… Со никој не разговараше. Еднаш дури не натера да буткаме автобус кој се расипа. Го буткавме сите, прво петмина, а подоцна и остатокот од тимот. Според третманот како да сум бил во градинка, изјави Торже.
Слични методи Даум спроведуваше и порано. Кон крајот на 90-те како тренер на Баер Леверкузен им задавал задачи на играчите кои меѓу другото содржеле и трчање преку искршено стакло и јаглен.