Руската џудистка Елена Ивашченко се самоубила изминатиов викенд, скокајќи од 15. спрат од зграда во сибирскиот град Тјумен како последица од депресијата во која западнала поради неуспешниот обид да освои медал на Олимписките игри во Лондон.
Четирикратната европска шампионка си го одзеде животот на само 28 години, а причина за тоа според нејзиниот тренер било разочарувањето што не успеала да освои медал на последниот најголем светски спортски собир.
Покрај телото на Ивашченко бил пронајден пасош и проштално писмо.
– Таа беше убава, топла и дружељубива личност, силна спортистка која за жал имаше лабилен карактер. Ќе ни недостасува на многумина – вели нејзиниот тренер Вјачеслав Јурилов.