Манчестер Јунајтед тоне сè подлабоко и подлабоко од година во година, и станува сè потешко да се утврди каде лежи неговиот најголем проблем.
Тој негативен тренд продолжи и оваа сезона, а според податоците објавени од Скај Спортс, сегашниот менаџер Рубен Аморим има најлош учинок, гледано според процентот на освоени бодови, од Втората светска војна до сега.
По четири кола од Премиер лигата, Јунајтед освои само четири бода и се наоѓа на 14-то место на табелата.
Гол-разликата на тимот на Аморим е 4:7, со една победа, едно реми и два порази.
Последниот удар дојде овој викенд, кога Јунајтед беше поразен со 3-0 од Сити во градското дерби.
Тој пораз беше последната капка што ја прелеа чашата и дополнително предизвика лавина критики против Португалецот, како од навивачите, така и од британските медиуми.
Во својата анализа, Скај Спортс дава преглед на перформансите на сите менаџери на Јунајтед, па затоа е јасно зошто Аморим во моментов е под огромен притисок.
Ruben Amorim’s win percentage is the worst of any permanent Manchester United manager since World War II 😬 pic.twitter.com/dlcPGgDSPW
— Sky Sports Premier League (@SkySportsPL) September 15, 2025