Кристијано Роналдо го продолжи договорот со Реал Мадрид до 2018 година и стана најплатениот играч во Примера Дивизија со 17 милиони евра годишно, пишува шпанска „Марка“.
Со новиот договор Португалецот повторно се искачи на врвот најплатени фудбалери пред ѕвездите на Барселона Лионел Меси и Неимар.
Како што се наведува во шпанскиот весник клучна улога за продолжувањето на договорот на Роналдо имал неговиот менаџер Жорж Мендеш кој го убедил дека нема да му биде подобро во ниту еден друг клуб.
Освен зголемената плата, Роналдо доби и зголемен процент од продажбата на неговите дресови и други производи со неговиот лик.