Македонската репрезентација до 16 години со победа ги започна натпреварите од развојниот турнир на УЕФА кој се игра на теренот на тренинг центарот „Петар Милошевски“ крај ФФМ во Скопје.
Нашата кадетска репрезентација по изведување пенали ја совлада селекцијата до 16 години на Казахстан.
Откако немаше погодоци во регуларниот дел, натпреварот го добивме со 5:3 по подобро изведување во пенал серијата. Македонија можеше да го реши мечот во регуларниот дел, но во два наврати избраниците на селекторот Добринко Илиевски, ја погодивме рамката од голот на Казахстан.
Во пенал серијата Македонија ги реализираше сите пет удари од белата точка, а младиот чувар на мрежата на црвено-жолтите Зибери одбрани удар на противникот во втората серија.
Македонската репрезентација до 16 години следниот натпревар го игра утре против селекцијата на Луксембур која во 1.коло загуби од Украина со 2:1.