Ракометарите на Рајн Некар Ловен остварија победа на првиот осминафинален натпревар од Лигата на шампионите откако вечерва како гости го совладаа Кил со 25:24 (12:10).
Првакот на Германија Рјан Некар Ловен имаше водство во поголемиот дел од натпреварот. Најефикасен на дуелот беше играчот на Кил Никола Билик со седум голови, додека кај РНЛ Екдал Ду Риц постигна шест голови без промашување. Дејан Манасков беше во составот на РНЛ на овој натпревар.
Кил настапи ослабен бидејќи поради повреда не играше хрватскиот репрезентативец Домагој Дувњак. Реванш натпреварот се игра на 30.април на теренот на РНЛ.
Во текот на викендот ќе се одиграат другите осминафинални дуели: Нант – ПСЖ, Загреб – Веспрем (сабота), Монпеље – Киелце, Силкеборг – ПИК Сегед и Мешков Брест – Флензбург (недела).