Убедливи порази забележаа машката и женската репрезентација на Македонија во 6.коло на шаховската Олимпијада во норвешкиот град Тромзо.
Шахистите загубија од Аргентина со 3,5:0,5 а девојките се поразени од Јужна Африка со 4:0.
Само Александар Чоловиќ остана непоразен во машкиот состав кој го сочинуваа и Трајко Недев, Филип Панчевски и Влатко Богдановски.
Дамите играа во состав Габриела Коскоска, Бојана Бејатовиќ, Драгана Николовска и Ивана Манова.
По шест кола Македонија на машкиот дел од турнирот е на 89.место со 6 бодови, а девојките се 70. со 5 бодови.
Денеска во рамките на 7.коло мажите играат против Алжир, а женската македонска селекција се среќава со Тринидад и Тобаго