Македонската шаховска репрезентација го претрпе првиот пораз на Олимпијадата во Тромзо, Норвешка, откако вчеравечер загуби од Русија со убедливи 4:0.
По табли од прва до четврта Македонија настапи во следниот состав: Трајче Недев, Александар Чоловиќ, Филип Панчевски и Влатко Богдановски. За Русија играа: Владимир Крамник, Петар Свидлер, Сергеј Карјакин и Јан Непомниачи.
По три кола Македонија е на 58.место со 4 бода колку што имаат репрезентациите од 32. до 80.позиција. Со максимални 6 бодови се 11 репрезентации: Франција, Србија, Русија, Узбекистан, Холандија, Романија, Кина, Азербејџан, Израел, Бугарија и Чешка.
Денеска Македонија игра со Албанија.
На женскиот дел од Олимпијадата Македонија ремизира 2:2 со Норвешка. Македонските шахисти се на 70.место со 3 бода, колку што имаат селекциите пласирани од 60 до 74.позиција.
Противник на Македонија во 4.коло се шахистките на Летонија.