Стојан Поповски од клубот „Софка“ по десетти пат стана шампион на Македонија во дуатлон.
На трката организирана од страна на Триатлон федерцијата на Македонија и СК Софка, во текот на вчерашниот ден на Кејот на реката Вардар, Поповски во сениорска конкуренција го освои првото место пред Никола Кутаноски и Марко Павловиќ.
Во женска конкуренција победи Росица Костова, клупската другарка на Поповски.
Дуатлонот е дисциплина која опфаќа трчање, возење велосипед и повторно трчање. Во сениорска конкуренција дистанците се 5 км-20км-2,5км.
На третото првенство во дуатлон, учествуваа вкупно 52 натпреварувачи, а освен во сениорска конкуренција трки се одржаа и за помладите за кои патеката беше покуса во зависност од возраста:
-победници јуниори: Бојан Митев и Верица Митреска,
-мастерс: Љупчо Рафески,
-кадети: Душан Костовиќ и Ана Наумоска,
-пионери-постари: Давид Спасов и Бојана Ѓорѓиеска,
-пионери млади: Давид Мијалов и Тијана Переска.