Професионалниот ММА борец – Медет Женалиев го загуби животот откако скокна во водата за да спаси четири тинејџерки од давење.
Драматичниот настан се случил на езерото Исик-Кул, каде што Женалиев престојувал со своите пријатели.
Според информациите од локалните власти, девојките се капеле кога одеднаш биле зафатени од силен воден вртлог, а една од нив била првата што почнала да се бори за воздух и да повикува помош.
Во тој момент следела херојската реакција на ММА борецот и неговиот пријател, скокнале во езерото и успеале да ги извлечат сите четири девојки на безбедно.
Сепак, откако била завршена операцијата за спасување, следел шок.
Забележале дека Женалиев исчезнал под површината на водата и повеќе не се појавил.
Веднаш беше започната потрага, а нуркачите го пронајдоа неговото тело дури следниот ден.
Официјалните служби потврдија дека причина за смртта е давење.