Французинот Мишел Платини доби нов мандат за функцијата претседател на Европската фудбалска федерација.
На денешниот конгрес во Виена, Платини немаше против кандидат, па сите 54 членки едногласно го гласаа за Французинот, кој не го криеше задоволството.
„Ова многу ми значи. Горд сум што ќе бидам капитен на овој победнички тим. Возбуден сум пред новите предизвици што ќе ги имаме во наредните четири години.“ – изјави Платини.
За Платини ова е трет претседателски мандат. Тој на чело на УЕФА е од 2007 година кога беше избран на конгресот во Дизелдорф, а потоа по втор пат ја доби довербата од членките на европската фудбалска федерација на конгресот во Парис.