Ново повеќенаменско игралиште е отворено во Пинтија, аеднички проект на Општина Кисела Вода и Агенцијата за млади и спорт.
Игралиштето се протега на површина од 1100 квадратни метри и е опремено со спортски реквизити и опрема за ракомет, фудбал и кошарка. Осветлено е со рефлектори така што може да се користи и во вечерните часови.
– Повеќенаменското игралиште во Пинтија, е уште еден заеднички чекор на оваа локална самоуправа и Агенцијата за млади и спорт во насока на развојот на спортот и спортскиот дух кај младите лица. Од досегашната добра соработка произлегоа две спортски сали, единечен тениски терен во населбата Драчево, како и пет повеќенаменски игралишта во населбата Драчево, во селото Драчево, во Припор и Црчиче, како и последново, во населбата Пинтија, наведуваат од Општина Кисела Вода.