Основците од „Аврам Писевски“ се победници на годинашниот фудбалски турнир на песок, што се одржа на игралиштето на кејот на реката Вардар. Учениците од ова училиште ги победија своите врсници од „Јан Амос Коменски“ со резултат 3:1.
За третото место се натпреваруваа младите фудбалери од ООУ „Лазо Трповски“, кои преку изведување пенали ги победија учениците од училиштето „Братство“ со 3:1.
Раководителот на Одделението за култура и спорт при општина Карпош Патрик Поповски им додели пехари на победничките три екипи.
На турнирот учествуваа ученици од сите десет основни училишта на територијата на општина Карпош.