Двократниот олимписки шампион во нордиско скијање Норвежанецот, Петер Нортуг казнет е со 50 дена затвор и парично со 30 илјади долари, поради возење во пијана состојба.
Судот во норвешкиот град Тронделаг, истовремено му ја одзеде и возачката дозвола на Нортуг во време траење од 5 години.
27-годишниот олимписки шампион, ја призна вината, за инцидентот кој се случил во мај месец годинава, кога во пијана состојба управувал со својот автомобил, а во еден момент загубил контрола и завршил во заштитната ограда на автопатот, а за среќа инцидентот минал без последици и повредени.
Без приговор Нортуг ја прифатил казната изразувајќи големо каење за направената грешка, но истовремено изразил и задоволство што со неговата неодговорна постапка не предизвикал посериозни послоедици.
Нортуг е вториот олимписки шампион, кој по американскиот пливач Мајкл Фелпс за управување со автомобил во пијана состојба е ригорозно казнет, но за разлика од Американецот кој избегна затвор, Нортуг најверојатно ќе мора да ја одработи казната иако има право на жалба.