Нов златен медал освои Оливера Наковска-Бикова македонската параолимпијка. Овој пат Наковска-Бикова се закити со златото на Светскиот куп во стрелаштво за лица со инвалидитет, кој се одржа во Шчекин, Полска.
Таа во дисциплината паѓачки цели, во конкуренција на 39 натпреварувачи, имаше најдобра резултат и заслужено се закити со златото пред Србите Растко Јокич и Живко Папаз.
Бикова претходно настапи и во дисциплината воздушен пиштол, каде што го забележа осмиот резултат.
Селектор Бранимир Јовановски настапи во дисциплината воздушен пиштол и обезбеди норма за учество на Светското првенство, кое од 16 до 27 јули ќе се одржи во Германија.