Нема повеќе нагаѓања, најдобриот тенисер Новак Ѓоковиќ ја донесе конечната одлука.
По деталните лекарски прегледи, српскиот ас реши да не го продолжи учеството на Ролан Гарос, што ги разочара сите фанови.
Новак се пласираше во четвртфиналето на Ролан Гарос совладувајќи го Франциско Серундола со резултат 3:2 (6:1, 5:7, 3:6, 7:5, 6:3).
Иако успеа да победи по нереален пресврт, неговата повреда на коленото ги загрижи сите, а Новак за тоа проговори по мечот и дополнително ги загрижи своите навивачи, бидејќи како што рече не знае дали ќе може да продолжи да се натпреварува на овој турнир.
Денеска го откажа тренингот во Париз, а откако отиде на магнетна резонанца реши да не го продолжи походот за одбрана на титулата на овој Грен слем.
Снимката покажа оштетување на менискусот, а она што најмногу ги загрижува навивачите е што можно е на Новак да му биде потребна операција.