Норвешката атлетичарка Ембла Матилде Њерве (18) е новото лице на светската атлетика, и иако сè уште не станала сениорка, таа веќе има повеќе од 290.000 следбеници на Инстаграм – повеќе од некои олимписки медалисти од Париз.
Нејзината убавина не останува незабележана, па затоа социјалните мрежи ѝ донесоа голема популарност. Сепак, зад изгледот се крие голем спортски потенцијал.
Минатата година, Ембла освои сребро на Европското јуниорско првенство во Банска Бистрица, а потоа и злато на Нордиското првенство до 20 години, иако беше до три години помлада од својата конкурентка.
Нејзината цел е јасна – настап на Олимписките игри во Лос Анџелес. Со оглед на напредокот и резултатите, тој сон се чини остварлив.