Нејмар (31) наскоро би требало да стане нов соиграч на Роналдо. Како што стојат работите, тој многу брзо ќе потпише договор со Ал Хилал. Тоа значи и дека уште едно големо фудбалско име кариерата ќе ја продолжи во Саудиска Арабија. Мотивот на сите им е јасен – пари.
Бразилскиот „Глобо“ донесе нова информација за договорот и сумата е неверојатна. Според нивните изјави, Нејмар за две години ќе добие дури 320 милиони евра! ПСЖ ќе добие околу 100 милиони како обештетување, што е многу повеќе од тоа што било кој европски клуб бил подготвен да им понуди. Доколку се оствари трансферот, Нејмар ќе стане најскапото засилување на клуб надвор од Европа.
Се чини дека во Ал Хилал се уверени дека се ќе биде завршено многу брзо, бидејќи наводно веќе ја закажале промоцијата за среда со најава дека „тоа ќе биде вистински спектакл“. Се чини дека сите страни се подготвени да ја завршат работата. Нејмар првично сакаше да замине во Америка, но поради правилата за регистрација на играчи, тој не може да оди таму. Барселона беше заинтересирана, иако не сакаше да плати. Планот на шпанскиот клуб беше да се надева дека ПСЖ ќе го раскине договорот со Нејмар за тој да дојде кај Чави без обештетување, но францускиот тим нема намера да го пушти за џабе.