Новак Ѓоковиќ и Рафаел Надал ќе го продолжат финалниот меч на Ролан Гарос во понеделник во 13 часот, доколку повторно не врне дожд.
Надал го доби првиот и вториот сет со 6-4 и 6-3, а Новак успеа да го добие третиот со 6-2 и да поведе со 2-1 во четвртиот, кога мечот беше повторно прекинат поради дождот кој не престана да паѓа.
Ова е 33-от меѓусебен дуел на Шпанецот и Србинот, а од претходните 32, Надал успеал да добие 18 мечеви. И двајцата во финалето се борат за влез во историјата – Ноле би станал третиот тенисер во историјата кој успеал да освои четири Грен Слемови по ред, а Надал доколку триумфира, ќе ја освои седмата титула во Париз и ќе го престигне Бјорн Борг по бројот на титулите.
