Неверојатни сцени се видени во Џеда на завршниот турнир „Next Gen“ на кој се натпреваруваат најдобрите млади тенисери во светот, а љубителите на тенисот се во шок што се случи на мечот меѓу Артур Филс и Јакуб Меншик.
Имено, во еден момент судијата Начо Форкадељ го прекина натпреварот и побара од Меншик да направи антидопинг тест.
Ваква сцена на сред меч не се памети, а чешкиот тенисер остана во чудење и неверување кога слушна што бара судијата од него.
Меншик влегол во кратка дискусија со судијата, кој всушност тогаш сфатил дека тенисерот е во право, па телефонски му се јавил на супервизорот на кого му рекол дека мора да и објасни на антидопинг агенцијата дека е недозволиво да побараат допинг тест од играч додека е на теренот и дека треба да чекаат да заврши.
Дали тоа го вознемири Меншик до крајот на мечот останува мистерија, но Филс победи лесно со 3:0 и со тоа му го нанесе вториот пораз на Чехот и со тоа го исфрли од конкуренцијата за пласман понатаму.