Францускиот тенисер Валентин Ројер (АТП – 113ти) во својот втор натпревар во кариерата на тревна подлога, а прв на Ол Ингланд Клубот, стигна до 2-то коло на Вимблдон, откако Гркот Стефанос Циципас (АТП – 26ти) му го предаде мечот на крајот од вториот сет.
Во моментот на предавање, Ројер водеше со 6:3, 6:2, а Циципас побара медицински тајм-аут во текот на вториот сет поради болки во грбот.
Грчкиот тенисер продолжи со лоши резултати, поради што Горан Иванишевиќ почна да го тренира по завршувањето на Ролан Гарос. Под негово водство, одигра три натпревари и загуби два. Победи во првото коло во Хале, кога го победи Лучијано Дардери со 2:1 во сетови, но во второто коло беше елиминиран од Американецот Алекс Мишелсен.
Француските претставници имаа одличен почеток на овогодинешниот Вимблдон.
Бенџамин Бонзи (АТП – 64) постигна една од најголемите победи во својата кариера. Го победи деветтиот тенисер во светот и двократен полуфиналист на Вимблдон (2023 и 2024) Русинот Даниил Медведев со 7:6 (2), 3:6, 7:6 (3), 6:2. Рускиот тенисер го заврши натпреварот со 14 аса, но и 12 двојни грешки. Ова е негова прва елиминација на почетокот од турнирот Вимблдон.
Францускиот ветеран Адриан Манарино исто така се пласираше во 2. коло, победувајќи го Австралијанецот Кристофер О’Конел со 6:2, 6:4, 6:3.