Фудбалерот на Интер Мајами, Лионел Меси не се најде на списокот на репрезентацијата на Аргентина за квалификациите за Светското првенство.
Меси во последно време има многу проблеми со повредите, па затоа го нема на списокот на тренерот Лионел Скалони.
– Тажен сум што ќе ги пропуштам многу важните натпревари против Уругвај и Бразил. Сакав да играм, но малите повреди значат дека треба да одморам, па не можам да бидам таму. Сепак, ќе навивам за тимот како и секој друг навивач. Напред Аргентина – изјави Лионел Меси.
Аргентина моментно е прва на квалификациската табела со пет бода повеќе од второпласираниот Уругвај.