Откако во полуфиналето ја совлада второпласираната светска тенисерка Ига Свијатек со 2:1, Кис во финалето денеска со истиот резултат ја совлада и најдобрата светска тенисерка Арина Сабаленка.
Најдобрата тенисерка на светот влезе многу лошо во мечот, а Американката двапати направи брејк и поведе со 5:1. Сабаленка успеа да врати еден брејк, но не можеше да се врати во сетот, а 14. рангирана светска тенисерка го доби првиот сет со 6:3.
Во вториот сет Сабаленка одигра како што знае, правејќи два брејка и израмнувајќи ги сетовите на 6:2.
Во третиот, решавачки сет, двете тенисерки ги држеа сервисите до самиот крај и до 12. гем. Кис доби две брејк топки, првата не ја искористи, но втората ја искористи и ја спречи Сабаленка да го освои Австралија опен трет пат по ред, совладувајќи ја со 6:3, 2: 6, 7:5.
Кис, која следниот месец ќе го прослави својот 30-ти роденден, на тој начин ја освои првата Грен слем титула во кариерата. Таа претходно играше само во едно финале, УС Опен во 2017 година.