Традиционален „Меѓународен шаховски турнир на слепи и лица со оштетен вид“ денеска и утре се одржува во просториите на „Здружението на слепи и лица со оштетен вид“.
На турнирот учествуваат 35 шахисти од повеќе држави, од кој 29 ќе се натпреваруваат во машка и 6 во женска категорија.
Турнирот го отвори градоначалникот на Град Скопје, Коце Трајановски.
– Оваа меѓународна спортската манифестација, којашто има долга традиција, годинава се одржува по 43 пат, и оваа година спаѓа во бројните активности за одбележување на 13 Ноември, истакна Трајановски и посака успешен турнир, добра спортска игра и резултати.
Претседателката на Здружението на слепи и слабовидни лица, Благица Петреска ја потенцира одличната соработка со Градот Скопје и се заблагодари за поддршката која градот ја дава на здружението и нивните активности.
Градот Скопје од буџетот за спорт и млади за годинава за реализација на оваа традиционална манифестација издвои 50.000 денари.