Енди Мареј се пласираше во полуфиналето на турнирот во австралискиот град Бризбејн, откако претпладнево го победи Денис Истомин (Узбекистан) во два сета со 6:4 и 7:6.
Тој во полуфиналето ќе игра со Јапонецот Кеи Нишикори кој доцна синоќа со 2:0 го победи Украинецот Александар Долгополов.
Другата полуфинална двојка ја сочинуваат Григор Димитров од Бугарија и Маркос Багдатис од Кипар.
Димитров во четвртфиналето го победи Јирген Мелцер од Австрија со 2:0, а Багдатис (Кипар) беше поуспешен од Французинот Жил Симон исто така со 2:0.
Традиционално со овој турнир се отвора тениската сезона и ова е еден од серијата турнири пред почетокот на Грен Слемот „Австралија Опен“.