Проблемите за Манчестер Јунајтед не завршуваат ниту оваа сезона, а корените на кризата датираат цели 13 години – од заминувањето на легендарниот Сер Алекс Фергусон.
Оттогаш, клубот од „Олд Трафорд“ забележа огромни загуби, потроши речиси две милијарди евра за трансфери и смени дури 11 тренери, иако во претходните 121 година имаше само 17 различни стратези на клупата.
Настапот во тој период е катастрофален – освоени се два ФА купа, два Лига купа и Лигата на Европа, додека во исто време се рушат негативни рекорди недела по недела.
Најновиот удар дојде по испаѓањето од ФА Купот против Брајтон и Хоув Албион, со што Јунајтед го заврши своето второ домашно куп натпреварување во сезоната веќе во 1. коло.
Бидејќи остана без сите пехари и не се појавува во европските натпреварувања, Манчестер Јунајтед ќе одигра само 40 натпревари оваа сезона.
Ова е најмал број на средби во една сезона од 1915 година, кога клубот одигра 38. Тоа е сезоната што заврши во пролетта 1915 година, по што англискиот фудбал беше запрен четири години поради Првата светска војна.
Со оглед на сите околности, некои навивачи иронично заклучуваат дека можеби е подобро за сопственото здравје да гледаат што е можно помалку натпревари од нивниот омилен клуб оваа сезона.