Кугларите на Макпетрол ја освоија јубилејната 15. титула шампион на Македонија. Тие сезоната 2014/15 ја завршија со 13 победи и само еден пораз.
Во последното 14. коло Макпетрол го победи Работнички со максимални 8:0, со резултат од вкупно соборени дрва од 3.442 наспроти 3233.
Екипата на Вардар 2014 својата дебитантска сезона jа заврши на второто место, кое го завери со победа против 18 Август Адинг со резултат 7:1 и со резултат од вкупно соборени дрва од 3.434 наспроти 3156.
ГТЦ рутинирано ја победи екипата на Империјал тобако ТКС со резултат од 7:1 и со резултат од вкупно соборени дрва од 3.221 наспроти 2981.
Последниот натпревар од 14. коло помеѓу Хераклеа и Македонија не се одигра поради откажување од страна на гостите, со што овој натпревар службено го добија битолчани.
Конечна табела за сезона 2014/15: 1. Макпетрол 26 бодови, 2. Вардар 21, 3. Работнички 19, 4. ГТЦ 18, 5. Хераклеа 11, 6. 18 Август Адинг 9, 7. Империјал Тобако ТКС 8, 8. Македонија 0.