Машката репрезентација на Македонија ја совлада Естонија со 2,5:1,5 во 9.коло на шаховската Олимпијада во норвешкиот град Тромзо.
Филип Панчевски и Влатко Богдановски беа подобри од своите противници на третата и четвртата табла, Трајко Недев ремизира на првата табла, а пораз претрпе Александар Чоловиќ на втората табла.
За разлика од мажите, нашите девојки убедливо беа поразени од Белгија со 3,5:0,5. Половината поен за Македонија го освои Драгана Николовска на третата табла, додека Моника Стојковска, Бојана Бејатовиќ и Ивана Манова загубија.
На две кола пред крајот на Олимпијадата машката македонска репрезентација е на 53.место со 11 бодови во конкуренција на 177 репрезентации.
Женската селекција се наоѓа на 96. место со 7 бодови во конкуренција на 136 земји учеснички на Олимпијадата.
Во денешното 10.коло на машкиот дел од турнирот Македонија игра со Данска, а девојките ќе се сретнат со Ангола.